нӧлтен шындаш

(Айдеме) тыгыде эҥерлаште вӱдвакшьш нӧлтен шынден. К. Васин. Человек построил на мелких речушках водяные мельницы.

Составной глагол. Основное слово:

Кече нӧлтеш всходит солнце;

ӱжара нӧлтеш занимается заря.

Чынак, мӱндырнӧ изи шем пыл нӧлтеш, оржажат палдырна. А. Асаев. Действительно, вдали поднимается тучка, виднеется даже её загривок.

Чодыра ӱмбак тылзе нӧлтӧ. А. Филиппов. Над лесом поднялась луна.

Сравни с:

Кайык тӱшка нӧлтеш взлетает стая птиц;

самолёт нӧлтеш взлетает самолёт.

Чевер кечын нӧлтӧ Кӱшкӧ кӧгӧрчен. А. Тимиркаев. В солнечный день поднялся ввысь голубь.

Пасушто турий, чокылен-чокылен, кӱшкӧ нӧлтеш. «У вий» С трелью взлетает ввысь жаворонок в поле.

Сравни с:

Шикш нӧлтеш поднимается дым;

пурак нӧлтеш поднимается пыль.

Тулйылме-влак, кӱшкӧ нӧлтын, кававундашым нулат. Н. Лекайн. Пламя, поднимаясь ввысь, лижет поднебесье.

Сравни с:

Озым нӧлтеш озимь поднимается;

пушеҥге-влак нӧлтыт поднимаются деревья.

Тушто шудо сай нӧлтын, кӱтӱм але коштыктымо огыл. «Ончыко» Там трава хорошо поднялась, скотину ещё не пасли.

Сравни с:

Вӱд нӧлтеш вода поднимается;

чин нӧлтеш повышается чин;

мланде нӧлтеш земля поднимается.

Пӱялалтыт Сердыж, Оно, ташла Мушко, нӧлтеш Лаж. В. Якимов. Перекрываются Сердеж, Оно, разливается Мушко, поднимается Лаж.

Сравни с:

Йырым-йыр кӱ полат-влак кава дек нӧлтыт. Г. Чемеков. Повсюду устремились к небу каменные дворцы.

Ялна мучко тыштат-туштат кугу стройко-влак нӧлтыт. «Ончыко» По всей нашей деревне и там, и тут возвышаются большие стройки.

Муро нӧлтеш ширится песня;

йӱк-йӱан нӧлтеш раздаётся шум.

Теве ӱдыр тӧр гыч лекте, муро нӧлтӧ огата. Я. Ялкайн. Вот девушка вышла из-за стола, зазвучала песня пуще прежнего.

Музыкетым нӧлтен шокто, мурышо еҥлан ход лийже. Муро. Играй музыку звонко, пусть будет легко певцу.

Сравни с:

Мардеж нӧлтеш начинается ветер;

поран нӧлтеш начинается метель.

Касвечын нӧлтын сар мардеж. А. Бик. С запада поднимался ветер войны.

Ужат, теве чодыра воктеч поран нӧлтеш. Видишь, вот со стороны леса поднимается метель.

Сравни с:

Кумыл нӧлтын тольым тиде колхоз ялыш. Н. Арбан. Приехал я в эту деревню с приподнятым настроением.

Баян, шокталте, нӧлтӧ рвезе чоным. В. Колумб. Сыграй, баян, развесели душу молодую.

Составные глаголы:

Идиоматические выражения:

Кидым нӧлташ поднимать руки;

нелытым нӧлташ поднимать груз, вес;

краным нӧлташ поднимать кран;

кӱшкӧ нӧлташ поднимать вверх.

Пият почшым кӱшкӧ нӧлта. Калыкмут. И собака поднимает свой хвост высоко.

Упшыжым тудо эре нӧлта, упшыжо эртак вола. Д. Орай. Он всё время поднимает шапку, а шапка всё сползает.

Пуракым нӧлташ поднимать пыль;

рокым нӧлташ вздымать землю;

толкыным нӧлташ создавать волны.

Зимовка покшелне, шем шикшым нӧлтен, кишан пу куатлын йӱла. Н. Лекайн. Посреди зимовки, вздымая чёрный дым, жарко горят смолистые дрова.

Чулым Юл вӱд кашын-кашын толкыным кӱшкӧ нӧлта. А. Тимиркаев. Резвая река Волга время от времени высоко вздымает волны.

Сравни с:

Саварым нӧлташ поднять забор;

вӱдым нӧлташ поднимать уровень воды.

– Эрла тиде корным нӧлташ тӱҥалына, – мане бригадир. – Завтра будем поднимать эту дорогу, – сказал бригадир.

Вуйым нӧлташ задирать голову;

тувырым нӧлташ задирать рубашку.

Мо тыште кечыгут йолашетым нӧлтен коштат. Г. Ефруш. Что ты целый день ходишь здесь, задрав штаны.

Пудыранчыкым нӧлташ поднимать смуту.

Эрыкан атаман тудым тышке – кугыжа ваштареш калыкым нӧлташ колтен. К. Васин. Вольный атаман послал его сюда поднимать народ против царя.

Культурым нӧлташ повышать культуру;

акым нӧлташ повышать цену;

паша лектышым нӧлташ повышать производительность труда;

мастарлыкым нӧлташ повышать мастерство;

квалификацийым нӧлташ повышать квалификацию.

Туныктышо огыл – туныкта, шинчымашым чот нӧлта (книга). В. Орлов. Не учитель – учит, повышает знания (книга).

Кум ий пырля тунемме йолташым первый вашлийме ӱдыр денак вашталтымаш – айдемын чапшым ок нӧлтӧ. В. Иванов. Не прославляет человека то, что он променяет друга, с которым проучились три года, на первую попавшуюся девушку.

Пӧртым нӧлташ строить дом;

олам нӧлташ воздвигать город;

заводым нӧлташ сооружать завод;

оралтым нӧлташ воздвигать усадьбу.

Илем йыр ор саварым нӧлтен. К. Васин. Вокруг жилища он соорудил крепостные стены.

Эше иктаж вич ий сар шога гын, мый кӱ полатым нӧлтем. А. Березин. Продлится война ещё лет пять, я воздвигну каменный дворец.

Доходым нӧлташ поднимать доход.

Мардеж, оза улам мый тылат, садлан полшет колхозым нӧлташ. В. Иванов. Ветер, хозяин я тебе, потому ты поможешь мне поднять колхоз.

Сӧремым нӧлташ поднимать целину.

Тендан таҥаш-влак у олам, сӧремым нӧлтат. З. Каткова. Ваши сверстники поднимают новые города, осваивают целину.

Чаркам нӧлташ поднимать рюмку.

Нӧлтена, йолташ-влак, Келшымаш верч бокалым. М. Казаков. Поднимем, товарищи, бокалы за дружбу.

Йӱк-йӱаным нӧлташ поднимать шум;

тумам нӧлташ затеять ругань.

Йӱк-йӱаным нӧлтен, Сылва велыш вашкат. К. Васин. Поднимая гвалт, они спешат в сторону Сылвы.

Мо те, ушнен веле улыда, тумамат нӧлтеда. А. Волков. Что вы, только что сошлись, а уже поднимаете шум.

Ой, книга, книга, Чылажымат тый кертат, Чыла еҥым туныктет, Чыла еҥым тый нӧлтет. С. Чавайн. Ой, книга, книга, всё ты можешь, всех учишь, всех ты возвышаешь.

Паша айдемым нӧлта, чыла нелым сеҥаш кумылаҥда. К. Васин. Труд облагораживает человека, вдохновляет на преодоление всех трудностей.

(Осып) качыштым пеш нӧлта. Д. Орай. Осып очень хвалит жениха.

Составные глаголы:

Идиоматические выражения:

Ваче гыч пызыралаш надавить на плечо;

ӧндалын пызыралаш прижать, обняв;

кнопкым пызыралаш нажать на кнопку.

Мыят упшем чотрак пызыральымат, больнице гыч лектын ошкыльым. К. Смирнов. И я сильнее надавил свою шапку и ушёл из больницы.

Изиш лиймек, (Ӱдырай) нералташат шуын ыле, кенета йолжым ала-кӧ пызырале. «Мут орл.» Немного погодя, когда Юдырай уже стала дремать, вдруг кто-то нажал ей на ногу.

Чер пызыралын болезнь свалила;

ойго пызыралын горе смяло.

Ынде омо чотак пызырале, да Эчук лыж-ж нералтен колтыш. П. Апакаев. Его вконец одолел сон, и Эчук безмятежно задремал.

Айдеме денат тыгак: лывыжгышым илыш пызыралеш, пеҥгыдын вожаҥше шке тудым сеҥа. «Ончыко» С человеком так же: слабого жизнь раздавит, а тот, кто с крепким корнем, сам осилит её.

Шӱмым пызыралаш сжать сердце.

Тоштым шарнымыже Камзайын оҥжым пызырале. В. Сави. Воспоминания о прошлом стиснули грудь Камзая.

Маскала пызыралаш подмять как медведь;

пызырал пушташ убить, подмяв под себя.

Очыни, могай-гынат вийдыме янлыкым шурмаҥше кӱч йымакыже пызыралаш ваҥа. А. Юзыкайн. Наверное, рысь подстерегает какого-нибудь слабого зверя, чтобы подмять под свои когти.

– Насти, вет пӱнчӧ тыйым изиш ыш пызырал. Н. Лекайн. – Насти, ведь тебя чуть не задавила сосна.

Восстанийым пызыралаш подавить восстание;

тушманым пызыралаш смять врага.

Мыланна автоматчик-влакым пызыралаш шуко миным кышкаш логале. К. Березин. Чтобы заглушить автоматчиков, нам пришлось кидать много мин.

Шукыж годым шемер калыкын восстанийлажым кугыжан власть кугу вий дене да шучкын пызыралын гынат, кредалме тулеш шемер вий шуаралтын. «Ончыко» Несмотря на то, что большинство восстаний трудящихся царская власть подавила с большой силой и жёстоко, сила трудящихся закаливалась в огне борьбы.

Йӱк-йӱаным пызыралаш заглушить шум;

кӧргыштӧ ылыжше шыдым пызыралаш подавить поднявшийся внутри гнев.

Но калыкын тӱшкан кычкырыме йӱк-йӱанже есаулын чарга йӱкшым пызырале. К. Васин. Но многоголосый крик народа заглушил визгливый голос есаула.

Изи шӱмжӧ йӱлаш тӱҥалын ылят, Андрий, ойгыжым пызыралын, вуй нӧлтен, пӧртыш пурен шогале. Я. Ялкайн. Загорелось сердечко Андрия, но он, подавив своё горе, приподняв голову, зашёл в дом.

Составные глаголы:

Идиоматические выражения:

Корнышто пурактараш пылить на дороге.

Шӱшкалтен, тӱтан тарваныш, мом кертеш, чыла нӧлтен, кӱрыштеш, йыр пурактарыш, шучко вийжым ончыктен. «Ончыко» Со свистом поднялась буря, вздымая всё, что может, рвёт, кругом напылила, обнаружив свою страшную мощь.

Тиде йыгыжтарен пытарыше унам и зам пыкше пурактарыш. МДЭ. Мой старший брат еле выпроводил этого изрядно надоевшего гостя.

Составные глаголы: